දයාබර ශිෂ්‍යයන්, දෙමව්පියන් සහ පරිශීලක මිතුරු ප්‍රජාව,

මොලගොඩ ශ්‍රී පියදස්සී මහා විදුහලේ නිල වෙබ් අඩවියට ඔබව සාදරයෙන් පිළිගනිමු! 
අපගේ නව මාර්ගගත වේදිකාව හඳුන්වාදීමට අවස්ථාව ලැබීම පිලිබදව සතුටු වෙමි. මෙම වෙබ් අඩවිය අපගේ පාසල් ප්‍රජාවට ප්‍රමාණවත් තොරතුරු ලබාදීම සහ සම්බන්ධකමක් පවත්වාගෙන යාම සඳහා නිර්මාණය කර ඇත. එහිදී ඔබට වැදගත් තොරතුරු, යාවත්කාලීන කිරීම් සහ සම්පත් පහසුවෙන් පිවිසීමට හැකියාව ලැබේ.

  මොලගොඩ ශ්‍රී පියදස්සී මහා විදුහල යනු සාම්ප්‍රදායික අධ්‍යාපන ආයතනයක් පමණක් නොව, එය සම්පූර්ණ ප්‍රජාවක් ලෙස විකසනය වන ඉගෙනුම් මධ්‍යස්ථානයක් වේ. විදුහල වෙතින් අපි අපගේ සිසුන්ට අධ්‍යාපනමය සාර්ථකත්වය, පෞරුෂික වර්ධනය සහ ප්‍රජාමූලික අවබෝධයක් ඇති කිරීමට කැපවෙන්නෙමු.විශිෂ්ට අධ්‍යාපනයක් ලබාදීම අපගේ අරමුණ වන අතර, මෙම අතිවිශිෂ්ට පාසලේ විදුහල්පති  ලෙස සේවය කරන්නේ මම මහත් අභිමානයෙනි.

අපි විශ්වාස කරන්නේ ,පාසල තුලින්  සිසුන්ට ඔවුන්ගේ සාර්ථකත්වය  සාක්ෂාත් කර ගැනීම සඳහා අවශ්‍ය  සහය, මගපෙන්වීම  සහ පෙළඹවීම  දැනෙන අවකාශයක් නිර්මාණය කිරීම සිදුකල යුතු බව ය. අපගේ කැපවූ කාර්ය මණ්ඩලය නව්‍යකරණ අධ්‍යාපන ක්‍රමයන් භාවිතා කරමින්  සමාජ-මානසික සංවර්ධනයට මූලිකත්වය දෙමින් පරිපූර්ණ අධ්‍යාපනයක් ලබාදීමට කැපවී සිටීයි. විද්‍යාව, ක්‍රීඩා, තාක්ෂණය ,  කලාව හා ප්‍රජා සේවය ආදී කටයුතු තුළින්, සෑම සිසුවෙකුටම සංවර්ධන වීමේ සහ සාර්ථකත්වයේ අවස්ථා ලබා දීමට අපි කැපවී සිටිමු.

දෙමව්පියනි සහ භාරකරුවනි, ඔබගේ ආශිර්වාදය සහ සහයෝගය  අපගේ සිසුන්ගේ සහ පාසලේ සාර්ථකත්වය සඳහා ඉතා වැදගත් ය. ඔබගේ දරුවාගේ අධ්‍යාපන ගමනට සක්‍රීයව සහභාගී වීමට අපි ඔබෙන්  ඉල්ලාසිටිමු. , සිසුන්ට සාර්ථකත්වයට පිවිසීමට  අවශ්‍ය මග නිර්මාණය කිරීමේදී හා පහසුකම්  සැපයීමේදී  අපි එක්ව සහයෝගයෙන් කටයුතු කිරීම පිලිබඳව සුහද සිතින් අපේක්ෂා කරමු.

ඔබගේ අඛණ්ඩ සහය පිළිබඳ කෘතඥත්වය ප්‍රකාශ කරමින්,    සාර්ථකත්වය සහ යහපතින්  පිරී යන  අනාගතයක් ඔබට සහ ඔබේ දරුවාට  ප්‍රාර්ථනා කරමු.

සුභ පැතුම්....